ہمارے بارے میں

اردوستان کیا ہے؟

اردوستان لوگو

اردوستان محض ایک ویب میگزین نہیں، بلکہ اردو سے عشق کرنے والوں کے لیے ایک گھر بھی ہے۔ یہاں پر قارئین ہی مصنفین ہیں اور مصنفین ہی قارئین۔ یہاں پر آپ افسانے، شاعری، کتابوں کے تعارف و تبصرے، سفرنامے و اِن کے ساتھ ساتھ مختلف موضوعات مثلاً انٹرٹینمنٹ، تاریخ، صحت، سائنس، ٹیکنالوجی وغیرہ پر مضامین پڑھ سکتے ہیں اور اپنی تحریریں شائع بھی کروا سکتے ہیں۔ اردوستان ای لائبریری میں آپ ای کتابوں اور رسالوں کا بھی مطالعہ کر سکتے ہیں۔

اردوستان کیوں؟

ہم بھی آپ ہی کی طرح قارئین و عاشقِ اردو زبان ہیں۔ گزشتہ کچھ سالوں میں اردو پڑھنے و لکھنے والوں کی تعداد میں بھاری کمی آئی ہے۔ نئی نسل اِس خوبصورت زبان سے دور ہوتی جا رہی ہے۔ اِسی وجہ سے ہم نے سوچا کیوں نہ ایک آنلائن پلیٹ فارم کا قیام کیا جائے، جہاں پر ہم قارئین و عاشقِ اردو زبان مل کر ملک و بیرون ممالک میں اردو زبان و ادب کو فروغ دیں۔ نئی نسل کو اِس زبان کی خوبصورتی و شیرینی سے واقف کرائیں۔

بانی و مدیر

ترنم خان

ترنم خان مدھیہ پردیش ریاست کے ایک کالج میں بی۔ایچ۔ایم۔ایس کی طالبہ ہیں۔ اُن کا تعلق اُتر پردیش ریاست کے سنت کبیر نگر ضلعے کے سِکری گاؤں سے ہے۔ ترنم کے مشاغل میں کتابیں پڑھنا، گانے گانا، بیڈمنٹن کھیلنا وغیرہ شامل ہیں۔

عظیم خان
عظیم خان

عظیم خان بھارتی وِدیاپیٹھ میڈیکل کالج، پونہ (مہاراشٹر) میں ایم۔بی۔بی۔ایس کے طالبِ علم ہیں۔ اُن کا بھی تعلق اُتر پردیش ریاست کے سنت کبیر نگر ضلعے کے سِکری گاؤں سے ہے۔ عظیم کی بچپن سے ہی کتابوں میں دلچسپی رہی ہے۔ ابنِ صفی، آگاتھا کرسٹی، جولیس ورن، جے۔کے رولنگ، مرزا غالب، علامہ اقبال، احمد فراز اور پروین شاکر کا نام اُن کے پسندیدہ مصنفین و شعراء کی فہرست میں شمار ہوتا ہے۔